அள்ளி மாற்றல்

சில படங்கள் அவற்றின் பின்னாலான அரசியலையும் மீறி இழுத்து உதைப்பன. இன்று பிபிசியிலே தரப்பட்டிருந்த இணைப்பிலே காணப்பட்ட இரண்டு படங்கள் அப்படியானவை.

ஒரு நாளைக்கு மின்சாரமின்றினோ, தேடிய பன்றி உண்டியல் கிடைக்காதபோதோ, என் மகன் முகம் காட்டும் சோர்வும் ஏமாற்றமும் உள்ளே குறண்டியதுண்டு. அப்படியான சிறிய சங்கடங்களே பெரிதாகத் தோன்றுமிடத்திலே, இவ்விரு குழந்தைகளின் முகங்களும் இன்றைய முழுநாட்பொழுதினையும் சுரண்டுகிறன.

உணவுக்காகக் கையேந்திய மனிதர்கள் உயிருக்காகப் போகாதே என்று கையேந்தி மறிக்கும் அடுத்த படம் வேண்டாமலே தடுப்புகளின் பின்னாலான, முகங்களைக் கொண்டிருந்திருக்கின்றன.

ஆனால், இணையத்திலே தேசப்பிரச்சனைகள், இலங்கையின் தென்பகுதியிலே ஏற்பட்ட முஸ்லீம்-சிங்களக்கலவரத்தினையும் விடுதலைப்புலிகளைச் சம்பந்தாசம்பந்தமின்றி இணைத்து விவாதிப்பதிலும் ஜனநாயகம் என்ற பெயரிலே எதிர்க்கருத்துக்காரர்களை, எதிர்க்கருத்துகளைக் கொண்டிருக்கும் ஒரே காரணத்துக்காகவே கேவலமானவர்கள் என்று சொல்லும் மாற்றுக்கருத்துக்காரர்களின் மயிர்பிடுங்கல்களிலும் நிற்கின்றதைப் பார்க்கும்போது..............
.......................
......................
.............
..........
..........நல்லகாலம்; இவர்களின் கையிலே தமிழ்மக்களின் குடுமி இதுவரைக்கும் இல்லையே என்ற நிம்மதியேனும் மிஞ்சுகிறது. இத்தனை குடுமிப்பிடிகளுமிடையிலே மேற்கிலிருந்து இலங்கைப்பிரச்சனையிலே குளிர்காய்கின்றவர்கள் என்று மற்றவர்களைப் பார்த்து, அதிரடியாகத் தேசத்தின் பேரிலே கடதாசி கசக்க மட்டும் இவர்களுக்கு வெட்கமிருப்பதில்லை. ஸ்ரீலங்கா அமைச்சர் போகொல்லாகம, "புலிகளின் பிரசாரங்களை முறியடிக்க, புலம்பெயர்ந்து வாழ் இலங்கையருடன் இலங்கைத்தூதரகங்கள் செயற்பட்டுவருகின்றன" என்று சொன்னதாக, தேசபக்தர்கள் வெளியிட்டிருப்பதிலேனும் உண்மையிருக்கிறதென்பதை ஒத்துக்கொள்ளவேண்டும்.

இவர்கள், விடுதலைப்புலிகளை(யும் அவர்களின் ஆதரவாளர்களையும்) விமர்சிப்பதோடு தமது பணி முடிந்துவிட்டதாகக் கருதுகிறார்களா?


Children in Kilinochchi have few places to run when the bombing and shelling starts - they are particularly vulnerable during and after an attack and many are left shaken from the experience.

original:Civilians protested against aid agencies evacuating from Kilinochchi. Most understood why they had to leave, but feared their departure would mean an escalation of the war, with no international witnesses.