புல்லிவிபரப்புளிகள்

நம் மந்தைமுன்னணியின் தாடிக்கார ஏட்டு ஆட்டையா ஒரே ஆட்டையா தரவு பிடுங்கித் தந்திருக்காங்களாம்.
அதிலே ஒன்று http://youtu.be/vSGNybMDTgI என்ற USA Today விழியத்துண்டம்.


இப்படியான இணைப்புகளைத் தருவதைத்தான் தன் தாடியிலேயே ஆடு கொதியெண்ணெயைத் தடவுவதென்பேன்.

முதலாவதாக, இப்படியான இணைப்புகள், அமெரிக்காவிலே வரும் சந்தர்ப்பங்கள் எவை எனக் காணவேண்டும். பதினைந்தாண்டுகள் இங்கே வாழ்ந்திருந்து பார்த்த என்னைவிட, இலங்கையைப் பார்க்காமலே அநாமதேயமாக யூசுப் என்றவர் இலங்கையின் கிழக்கின் சனத்தொகை விபரத்தினைக் கொடுத்ததுபோல, ஆட்டு ஏட்டையாவுக்கு அவர் வெறுக்கும் அமெரிக்காவை அதிகம் தெரிந்திருக்கக்கூடும் பேராண்டவன் பெருங்கருணையால். என்றாலும் சொல்ல முயற்சிக்கின்றேன்.

இப்படியான துண்டங்கள் அமெரிக்காவிலே வரும் சந்தர்ப்பங்கள் பொதுவாக இவை:
1. அமெரிக்காவிலே இஸ்லாமியபோபியாவோ முஸ்லீம் ஒவ்வாமையோ சும்மா பார்க்குமளவுக்கே இருக்கின்றதோ என்ற எண்ணத்திலே அப்படியாக இல்லை என்றவிதத்திலே பேரூடகங்கள் தரும்

2. ஏதாவது "பயங்கரவாதச்சம்பவங்கள்" நடந்தால், வழக்கம்போல, வலதுசாரி கிறீஸ்துவ, யூதக்குழுக்கள் விசாரணையின்றியே முஸ்லீங்கள்மேலே பழியைப் போடும்போது, சாதாரணமுஸ்லீங்கள் மற்றவர்களைவிட வேறானவர்கள் இல்லை என்பதை மிகுதியான மக்களுக்குக் காட்ட இப்படியான நிகழ்ச்சிகள் வரும்

3. முஸ்லீம் மதநிகழ்வுகள் வரும்போது, அவற்றூடாக, முஸ்லீங்களும் மற்றைய அமெரிக்கர்கள்போன்ற சாதாரணமனிதர்களே என்பதைக் காட்ட வரும்.

இப்போது யூஎஸ்ருடே விழியத்துண்டினைப் பார்த்தால், அதிலே சொல்லவருவது, முஸ்லீங்களை மற்றைய அமெரிக்கர்கள் ஏற்றுக்கொண்டேயாகவேண்டும் என்பதே. ஏனெனில், அவர்களின் தொகை குறிப்பிட்டத்தக்கது என்பதையும் அவர்கள் சாதாரணமுஸ்லீங்களே என்பதையும் குறிப்பிடவே. ஓரிடத்திலுங்க்கூட, மற்றைய மதங்களைவிட முஸ்லீங்கள் அமெரிக்காவைவிட வெல்லப்போகின்றார்கள் என்று சொல்லவில்லை. சொல்லப்போனால், கிறீஸ்தவர்களின் சிறுகுழுக்களின் தொகையை முஸ்லீங்கள் 2020 இலே எட்டுவார்கள், ஆனால், இன்னமும் அவர்கள் மிகச்சிறுபான்மையே என்பதைத்தான் தெளிவாகச் சொல்கின்றது. | Nevertheless, if we look at the world map, the number of Muslims is over a billion; however, they hardly have any strength in that number.| (இஃது நீங்களே எடுத்துப்போட்ட அவர்களின் ஆங்கிலம் ஆட்டேட்டையா ;-)) இதே மாதிரியாகப் பார்த்தால், ஹிஸ்பானியர்கள்தான் இன்னும் முப்பத்தைந்தாண்டுகளிலே அமெரிக்கப் பெரும்பான்மை இனம். அவர்களிலேகூடப் பலர் கத்தோலிக்கத்திலிருந்து மறு கிறீஸ்துவர்களாக மாற்றப்பட்டுக்கொண்டிருக்கின்றார்கள் என்று போன வாரம் ஒரு நிகழ்ச்சி கேட்டேன். (கத்தோலிக்கர்களையே கிறீஸ்துவர்களாக எண்ணிக்கொள்ளாத சதேர்ன் பெப்டிஸ்டுகள் மேலோங்கிய நாடு அமெரிக்கா; புஷ்-எதிர் மக்கேய்ன் தேர்தலைக் கவனிக்கவும் ;-)) இவ்வாண்டுத்தேர்தலே முதன்முதலாக வெள்ளைப்பெரும்பான்மைக்கிறீஸ்துவத்தினைப் பின்பற்றாத நான்குபேர் தேர்தலிலே கட்சிக்கு இரண்டாக நிற்கின்றார்கள் என்று வெந்துகிடக்கின்ற வலதுசாரிவெள்ளைக்கிறீஸ்துவர்களின் குரல்களை ஆங்காங்கே கேட்கலாம்.

தவிர, மேலும் அவர்கள் இந்நிகழ்ச்சியில்லே சொல்வது, எப்படியாக முஸ்லீங்கள் என்றால், நாற்பதாண்டுகளுக்குமுன்னால், முகமது அலி நினைவுக்கு வந்தார், ஆனால், இப்போது ஒசாமாதான் நினைவுக்கு வருகின்றார் என்று முஸ்லீங்களிலே விழுந்த அநாவசியப்பழியினைச் சுட்டிக் களையவே.

மேலும், இத்தனை மசூதிகள் பெருகுகின்றனவென்றால், எத்தனை இந்து, புத்த ஆலயங்கள் பெருகுகின்றன என்பதையும் பார்க்கவேண்டும். இதனைப் பற்றி நிகழ்ச்சி சொல்லவில்லை.

சொல்லாமல்,விட்ட இன்னொன்று, இஸ்லாம் குறித்துப் பேசும்போது, எத்தனை பேர் மதம் மாறுகின்றார்கள் என்பதையும் எத்தனை பேர்
முயல் குட்டி போடுவதுபோலப் போட்டுப் பெருகுகின்றார்கள் என்பதையும் உள்ளடக்கிய புள்ளிவிபரம். அமெரிக்காவிலே இஸ்லாம் பெருகும் வீதம் முஸ்லீங்கள் குடும்பக்கட்டுப்பாட்டினைக் கருத்திலே கொள்ளாததாலே வருவதா, இஸ்லாத்தினைப் புதிதாக எத்தனை பேர் ஏற்றுக்கொள்வதாலே வருவதா என்பதினை இவர்கள் பேசுவதில்லை. எலிபோல எல்லோரும் குஞ்சு பெருக்கினால், குடும்பம் பெருகித்தான் ஆகும். இதை உணர, நனோதொழில்நுட்பம் தேவையில்லை; என் அம்மம்மாவுக்கு 11 உடன்பிறப்புகள்; அம்மாவுக்கு இரண்டு உடன்பிறப்புகள்; எனக்கு மூன்று உடன்பிறப்புகள்; என் மகனுக்கு உடன்பிறப்பேயில்லை. நாத்திகம் வளர்கின்றதெனக் காட்ட, பரப்ப நானும் நாலைந்தினைப் பெருக்கியிருக்கவேண்டுமோ! இதே பிரச்சனை அமெரிக்காவிலேமட்டுமல்ல, பெரும்பாலான நாடுகளிலே உண்டு; யப்பானிலே மாறாகச் சனத்தொகை மங்கத்தொடங்குகின்றது (மணம்செய்யும்வீதம், இறப்புவீதம் இரண்டுமே மிகக்குறைவாக). ஆனால், இலங்கையின் இலங்கையிலேயே குடிசனப்பெருக்கிலே முஸ்லீங்கள் எத்தனை வளர்ச்சிவீதத்தைக் கொண்டிருக்கின்றாகளென்பதையும் (அஃது  எப்படியாக நிகழ்ந்ததெனக் காத்தான்குடி தளமே சொல்கின்றதென்பதையும்) காண்க. (காத்தான்குடி, இலங்கையிலேயே குடிசனத்தொகைவளர்ச்சிவீதத்திலே மிகவும் அதிகமான இடமாகும் என்று ஓரிடத்திலே வாசித்திருக்கின்றேன். உசாத்துணையினை நான் கொண்டு வரும்வரையிலும் அதை ஏற்றுக்கொள்ளவேண்டாம்)

இதைவிடப்பெரும் பிரச்சனை ஒன்றுண்டு; நான் "நீர்வள முகாமைத்துவத்துக்கான அறிமுகம்"  பாடத்தினை மாணவர்களுக்குக் கற்பிக்கும்போது, ஒவ்வொரு தவணையும் ஆரம்பநிலைப் பொறியியல்மாணவர்கள் குழம்புமிடமாகக் கண்டுகொள்ளும் பகுதி ஒன்றுண்டு. நீர்ச்சுழற்சியிலே உப்புக்கடலும் நன்னீரேரியும் சூழலுக்கு ஆவியாதலிலே இழக்கும் நீர் பற்றியது அது; உப்புக்கடல், நன்னீரேரியிலும் விட நீரினை ஆவியாதலிலே இழக்கும்  வீதம் குறைந்தது.  ஆனால், மொத்தமான உப்புக்கடல், நன்னீரேரியின் மேற்பரப்புகளை வைத்துப்பார்த்தால், உப்புக்கடல், ஆவியாக்கும் நீர்க்க்கனவளவிலும்விட நன்னீரேரி ஆவியாக்கும் நீர்க்கனவளவு மிக மிகக் குறைந்தது. இழக்கும்வீதம் . எதிர். இழக்கும் தொகை என்பவற்றுக்கிடையேயான வேறுபாட்டினைப் புரிந்துகொண்டால், அல்லது புரியும் தெளிவும் ஆர்வமும் திறனுமிருந்தால், இங்கே குழப்பம் வர மாணவர்களுக்கு அவசியமில்லை. இதே உதாரணத்தினை முஸ்லீங்கள் பிறப்பினாலே பெருகும் வீதத்தினையும் பெருகும் தொகையினையும் பார்த்துப் புரிந்துகொள்ளவேண்டும். அதைவிட்டுவிட்டு, தாம் குழந்தை பெற்றுத்தள்ளுவதையெல்லாம் மார்க்கம் வளர்கின்றது என்ற அடிப்படையிலே செய்தி பரப்பப்புறப்பட்டால், இஸ்லாமியவஹாபித்தலைக்ககும்பலின் அடுத்தபூப்பக்கத்த்தின்இந்துத்துவா கும்பல் "இந்தியாவிலே முஸ்லீங்கள் குழந்தை பெற்றுத்தள்ளுவதாலே சனத்தொகையைப் பெருக்குகின்றார்கள்; ஆகவே, இந்துக்களே நீங்களும் இராப்பகலாகப் புணர்ந்து விந்து தள்ளுங்கள்" என்ற மாதிரி விட்டுக்கொண்டிருக்கும் அறிக்கையிலே நியாயம் வந்துவிடும்.

அமெரிக்காவையே வெறுத்து "டெத் ரு அமெரிக்கா (தமிழிலேயே எழுதிவிடுகிறேன். அது புரியாவிட்டால் ஆண்டவன் துணை)" சொல்லும் தாடியாட்டு ஏட்டையா அமெரிக்க விழியத்துண்டங்களையே துணைக்குக் கொண்டுவருவது (அதுவும் அந்த வலதுசாரி கிளென் பெக்கை அவரின் நோக்கமெதுவெனத் தெரியாமல் உசாத்துணையாகக் கொண்டுவருவது, மந்தைகளுக்கு எதிரானதானும் பயங்கரப்பகிடியானதும் என்பதைக்கூடப் புரிந்துகொள்ளமுடியாதவரோடு பேசுவதிலே அர்த்தமில்லை). வலதுசாரி கிறிஸ்துவவெள்ளைவெறித்தனமான கிளன் பெக்கினை எல்லாம் விவாதிக்கக்கூடிய ஒரு மனித ஜென்மம் என்று நான் வெகுகாலமாகக் கருதுவதில்லை. அதனாலே, அவரினது அவர் ஜால்ரா முஸ்லீம் கருத்தாளரினதும் பேச்சினை இங்கே விரித்து எதிர்க்கருத்தினைக் கூறப்போவதில்லை. தாடிக்கார ஆட்டேட்டையா கிளென்பெக்கினை இஸ்லாத்தின் பேச்சுப்பீரங்கி என்று கருதி உசாத்துணை காட்டினால், அவரை அவர் நம்பும் பேரிறையே காக்கட்டும் என்று விட்டுவிடுகின்றேன்.

தவிர, இலங்கையின் கிழக்கிலே முஸ்லீங்களின் தொகை குறித்து கூகுள்+ இணைப்பினைமட்டும் அவர் பேரிலே தரும் இலங்கையர் ஒருவர் ஆட்டேட்டையா பதிவிலே பின்னூட்டியிருக்கின்றார் என்று  ஆட்டேட்டையா நேற்று ஈங்கு குறிப்பிட்டிருந்தார். ஆளே தெரியாதவர், இலங்கையர் என்று ஆட்டேட்டையா எப்படியாகக் கண்டாரென்று அவரே சொல்லட்டும். அதல்ல என் சிக்கல்; ஆனால், ஆட்டேட்டையா குறைந்தளவு அத்தகவல் பிழை என்பதைச் சுட்டிக் காட்டிய புள்ளிவிபரத்தினையேனும் தன் மந்தையிலே குறித்துக் காட்டியிருக்கவேண்டும். ஆனால், நெப்போலியன் அதைச் செய்யவேயில்லை ;-) செய்வாரென்று எதிர்பார்க்கவில்லை. பொய் ஆயிரம்முறை பரவி, உண்மையாகவேண்டுமோ? ;-) ஆனால், இங்கே நான் சுட்டவிரும்புவது, புள்ளிவிபரவியலிலே எப்படியாக, இவ்விகிதங்கள் விளையாடக்கூடுமென்பதையே; இருக்கும் மொத்தத்தொகையிலே இருக்கின்ற ஒவ்வோர் இனமும் எத்தனை வீதம் என்று கணக்கிடுதல் என்பது, கிழக்கிலிருந்து புலம்பெயர்ந்து இன்னமும் இலங்கைக் குடியுரிமையைக் கொண்டிருக்கும் தமிழர்களையோ கொழும்புக்குப் போன தமிழர்களையும் ஊர்காவற்படையின் துணையோடு கொன்று தள்ளப்பட்ட தமிழர்களையும் உள்ளடக்கியதா என்பதையும் கணக்கிலே எடுக்கவேண்டும் ;-) இது பற்றி பின்னொரு முறை...

இதைவிட நகைச்சுவை, எங்கள் ஆட்டேட்டையா, கீழ்க்கண்ட யூரியூப் காட்சியை இஸ்லாத்தின் வளர்ச்சி என்று கருதி இணைப்பிலே ஆதாரமாகப் போட்டிருக்கின்றார்.


இதுக்கு நான் இப்பொழுது என்ன பண்ணவேணும்? இந்த ஐம்பத்திரெண்டு பேரையும் ரூர்பஸ்ஸிலே ஏற்றிக்கொண்டு ஊர் சுற்றிக் காட்டவேண்டுமா? அல்லது இஸ்லாத்திலிருந்து கிறிஸ்துவத்துக்க்கு ஐம்பத்திமூன்றுபேர் மாறியிருக்கின்றார்களென்று காட்டி நாவற்கிளையைச் சாய்த்து வெல்லவேண்டுமா? இந்த ஐம்பத்திரண்டுபேருமா உலக சனத்தொகை. என்ன எழவுடா இந்த குறுக்குவாதம்! இதன்படி பார்த்தால், கீழே முஸ்லீம் அன்பர்கள் பரப்பிவரும் 0.01% தரவினைப் பெரிதாக்கி, முஸ்லீங்கள் வன்முறையாளர்கள் என்றெல்லவோ நிறுவவேண்டும் நான்!!

ஆட்டேட்டையாவின் ஐம்பத்தி இரண்டுபேர் டிபென்ஸை வைத்து வாதாடினால், இந்த 0.01% பேரின் நஞ்சு மீதி 0.99% முஸ்லீங்களையும் வன்முறையாளராக்கிவிடும். அதைத்தான் ஆட்டேட்டையா எதிர்பார்க்கின்றார்?

போங்கையா வெறுப்பேற்றாமல்; எல்லா மதவெறியர்களுமே உங்களுக்குள்ளே குத்துப்பட்டுச் செத்துக்கொள்ளுங்கள். ஆனால், தயைகூர்ந்து அறிவியலையும் புள்ளிவிபரவியலையும் அநாவசியத்துக்கு உங்களுக்கேற்றமாதிரியாகத் திரிக்காதீர்கள். நமக்குச் சோறோ பீட்சாவோ போடுவன அவை; அவற்றை நம்பித்தான் குடும்பத்தை ஓட்டுகிறேனேயொழிய, உங்கள் ஐயாறெட்டு பேராண்டவர்களையும் கழிந்தநூற்றாண்டுகளின் செல்லரித்த போதனைகளையும்  நம்பியல்ல. அதனாலேயே, அறிவியலையும் புள்ளிவிபரங்களையும் உங்கள் நம்பிக்கைகளுக்கேற்கத் திரிக்கும்போது, எரிச்சலும் கோபமும் வெறுப்பும் வருகின்றது. இதிலே எந்தச் சூனா  அதன் மதம் கொண்டு திரித்தாலும் ஓநாய் எனக்குத் திரும்பிச் சுட்டிக்காட்டச்சொல்கின்றது.


||சீர்படுத்தப்படாத இக்குறிப்பு தொடர்ந்து தகவலோடும் உசாத்துணையோடும் இயன்றவரை முழுமையான குறிப்பு ஆகும்வரை மேம்படுத்தப்பட்டுக்கொண்டேயிருக்கும்||


கேளுங் கல்  தரப்  படும்
தட்டுங் கல் திறக்கப் படும்
(சொன்னவர் ஈசா நபி)


மதம் என்பது அடக்கப்படவேண்டியது
மனிதம் என்பது வளர்க்கப்படவேண்டியது
(நாங்களும் பஞ்ச் லைன் செருப்பு பிஞ்சிடச் சொல்டுவோம்ல!!)