காட்சியும் காணோமும்

காட்சி: கானமற்றது

காலம்: படர்க்கையிலே கஷ்டகாலம்

களம்: இரணகளம்

போராட்டக்காரர் நகரங்கள் பரவி, கூடிக் குரலெழுப்புகின்றனர்.

"தடையை விலக்கு!

தடையை விலக்கு!" 

நாட்கள் நகர்வு; தொடரும் போராட்டம்.

மத்திய அரசுத்தலைவர்ஜி மாண்புமிகுமாநில அரசுத்தலைவர்களைத் தலைநகருக்கு அழைக்கிறார்; அணைக்கிறார்.

"அணைக்கிற மாதிரி அடிக்கவேண்டும். ஆறுமாதத்துக்குப் தடையை இடை நிறுத்தவேண்டும் மாண்புமிகு!"

மாண்புமிகு மாநிலத்தலை, "அவர்களே தடைக்கு இடைக்காலத்தடை கொண்டு வந்துவிட்டார்கள் மத்தியதலைஜீ!"

மத்தியதலைஜி, "பாதுகாப்புப்படையிலிருந்து பொறுக்கி கூட்டத்துள்ளே நாலு பின் லாடங்களைச் செருகிக் கனைக்கவும் கடாசி உதைக்கவும் விட வேண்டும் மாநிலமாண்பூ!"

மாநிலத்தலைமாண்பு, "அப்படியே முன்னுக்கு மூஞ்சியைப் படத்தும் செய்திக்கும் காட்டும் பிரபல விளம்பரநடிகர், பாடகர்களையும் கூப்பிட்டு நீங்களும் பின் லாடங்களின் ஆணிபிடுங்கிகளென்று கூப்பிட்டு மிரட்டலாம்ஜி. முன்னாடி பண்ணியிருக்கிறோம். அற்புதமாக வேலை செய்யும். ஆடியே ஆடியோ விடுவார்கள்ஜீ!"

மத்தியதலைஜி, "அப்படியே பாதுக்காப்புப்படையினருக்கும் துப்பினார்கள் என்ற பேரிலே அடித்து நொருக்கவும் சுபநேரம் குறித்துவிடுங்கள் மாண்புமிகு!"

"ஊடகக்காரர்களுக்கு ஊட்டச்சத்தும் வண்டிச்சத்தமும் கொடுத்தால், உள்நுழைந்த பின் லாடங்களை நிறுவி விடலாம்ஜீ...." - உற்சாகமாகிறார்.

"படங்களிலே பின் லாடங்களை வேண்டிய அசந்தர்ப்பங்களிலே உள்நுழைக்கும் வேலையை என் கட்சி போட்டோஸொப் இலாகாதொண்டர்கள் பார்த்துக்கொள்வார்கள். அவர்களிடம் வாங்கி உள்ளூர் ஊடகங்களுக்கு விநியோகிக்கும் தொண்டூழியத்தைமட்டும் மாநிலத்தலைமாண்புகள் தம் கட்சியூடாகச் செய்தாலே போதுமானது."

அதிகாலை மூன்றுமணியாகிவிட்டதால், ட்ரம்ப்ஜி கீச்சிடப்போகிறார். 

மாண்புமிகு ஆளுநர்கள், தத்தம் மாநிலங்களுக்குச் சென்றிறங்கையிலே நாட்டுக்குள்ளே "பயங்கரவாதிகள்" நுழைவதற்கான அரசுத்தடையை எதிர்த்துக் குழுமுகின்றவர்களை விமானநிலையங்களிலே எதிர்கொள்ளவேண்டியிருக்குமோ என்ற பதட்டத்தோடு வெள்ளைமாளிகையிலிருந்து வெளியேறுகின்றனர்.